Spurs-ah Joe Hart a lut

Manchester City goalkeeper hlui Joe Hart chuan Tottenham Hotspur chu free transfer-in kum hnih chhung atan a zawm a, Paulo Gazzaniga nen Hugo Lloris thachhang dawltu ni turin an inel ang. 

Kum 33 mi Hart hi Manchester City tan first choice goalkeeper ni ṭhin mah se kum 2016-a Pep Guardiola-a'n Etihad Stadium-a pan hnuah hmun a chang phak lo a, Torino leh West Ham-a loan-a hun a hman hnuin kum 2018 khan Burnley a zawm. 

Burnley-a zawm tirhin first choice ni mah se Tom Heaton lakah a hmun a hloh a, season hman zawh takah khan keeper ṭhangduang  Nick Pope-a thachhang dawltu atan hman a ni a, league match inlan miah loin Cup inelnaah erawh match thum a khel ve. 

Hart chuan, "Theihna sang tak ka la nei rengah ka inngai a, pek tur tam tak ka la nei a ni. He club pui tur hian he hmunah hian ka lokal - khelmual chhung a ni emaw, pawn pawh ni se, he club hmasawnna tura lokal ka ni. "Zep ka tum lo, khelmual lamah kum harsa tak ka hmang chho mek a, mahse, pek theih tam tak ka la neiah ka ngai a ni," tiin a sawi.