Kum thum atan Rubiales an hrem

Spanish Football Association (RFEF) president hlui Luis Rubiales chu football kaihhnawiha inhnamhnawih thei lo turin hrem a ni a, hrem a nihna hi kum thum chhung a nih tur thu FIFA hnuaia Disciplinary Committee chuan an puang.

Hmeichhe World Cup an champion hlimin Rubiales hian Spain player Jenni Hermoso a fawp a, an thlalak hi nasa takin a darh zui, a thil tih hi hmeichhe zahawmna tih bawrhban leh nungchang mawi lo nia ngaih a ni a, hei vang hian hremna a tawk.

Kum 46 mi Rubiales hian a duh a nih chuan hrem a nihna hi a khinglet thei, mahse a dan hremi chuan tun dinhmunah chuan hremna chungchang hi sawi theih an la nei lo tih a sawi thung.