Aizawl FC an chak lo

Nimin khan Aizawl FC chuan RG Stadium-a an hneh loh Delhi FC chu Namdhari Stadium, Ludhiana-ah an hmachhawn a, 1-0 in an hneh lo. Mizo club hian tun season-ah Delhi FC hi vawi hnih an hneh lo tihna a ni.

Mizo club hi hliam vangin an buai a, inhliam vangin goalkeeper Nora Fernandes, defender Ivan Maric, midfielder K. Lalrinfela leh forward Lalrinzuala te an zin thei lo. Zin lo ho hi position tina pawimawh ber vek anga chhal theih an ni hlawm.

Nimin inkhelah hian goalkeeper Kevin Koshy chu khelhna hun siamsak a ni a, Lalhrezuala chu a pa thihna avangin team zingah a let lo. Left back-ah Laldanmawia hman a ni a, midfield-ah Mafela aiin Uma Shankar hman a ni bawk.

Mizo club hian chak ngei tumin attacking football an khel a, goal hmaah an vanduai thung. Laltharpuia leh R. Lalthanmawia te goal hmaah an vannei tawk lo a, Shankar-a'n goal ruakah a tauh lut thei lo.

Aizawl FC an vanduai a, Yan Cheng Law enkawl Delhi FC an vannei thung. Minute 81-naah Delhi FC tan Sergio Barboza-a'n chakna goal a khung. Bobi Stojkoski hnuaia Aizawl FC-in match hnih an khelhah point khat chauh an la hlawh chhuak.