Ethan Go Mobile-in Mizoram team bag sponsor

Santosh Trophy final round khel tur Mizoram team chu Ethan Go Mobile-in training leh matchday-a hman theih bag ṭha tak an pe. Mizoram team training kit hi RNR Garments, Mission Vengthlangin an sponsor bawk. 

Mizoram manager K. Lalenghluna (Maenga) chuan, "Mizoram tana rawn pen chhuaktute chungah kan lawm takzet a, kan sponsor dawn vang hian player-te pawh an phur phah hle a ni," tiin Vanglaini a hrilh. Mizoram hian February 17, Inrinni thleng training an nei ang a, February 18, Pathianniah inelna neihna hmun tur Itanagar, Arunachal Pradesh panin Aizawl an chhuahsan ang.