England-in Pakistan an hneh

T20 inkhelah Pakistan-in run 195/4 zet siam mah se England-in ball nga dah bangin run 199/5 an vaw chhuak a, wicket ngain hnehna an chang. 

T20 series hi match thum khelh tur a ni a, match hmasa ber hi ruahsur vangin khelh theih a ni lo. August 30 khan match hnihna hi khelh a ni a, ṭhumvawra vannei England-in vawm hmasak an thlang.

Pakistan tan Mohammed Hafeez (69), Babar Azam (56) leh Fakhar Zaman (36) te an chet ṭhat avangin run 195 an siam a, chak turin beisei an nei sang hle.

England tan Eoin Morgan-a'n ball 33 lekah run 66 a siam a, Dawid Malan-a'n thi loin 54 run siamin Jonny Bairstow-a run 44 siam nen 19.1 over-ah an target an khum.

Match thumna hi zanin dar 10:30-ah khelh a ni dawn a, match zawng zawng hi Old Trafford Cricket Ground-ah vek khelh a ni.