Ronaldo-a'n goal a khung leh ta

Nilaini zan khan AFC Champions League round of 16 first leg-ah Al Nassr chuan 1-0 in Al Feiha an hneh a, Cristiano Ronaldo chuan minute 81-naah inkhela goal awmchhun hi a khung - Al Nassr khelmualah second leg khelh leh tur a ni ang.

Kum 39 mi Ronaldo hian tun season inelna hrang hrangah match 32 khelin goal 31 ngawt a khung ta a, AFC Champions League bikah hian match ruk a khelh aṭangin goal li a khung leh tawh.

Ronaldo hian Saudi Arabia a pan hnuah pawh goal khung a ṭhulh hleithei lo a, Saudi club tan hian match 51 a khelhah goal 45 a khung tling leh der tawh a, kum 39 ni tawh mah se goal khung a la bansan thei lo.