Pistons lakah Phoenix Suns an chak

Kevin Durant-a point 25 neih hmangin Phoenix Suns chuan nimin zing khan Detroit Pistons chu 116-100 in an hneh. Suns hian an player ṭha Devin Booker chu minute rukna lekah an chân, technical foul vawi hnih vanga hnawhchhuah a ni - mahse an chak thei ta tho.

Suns tan Saben Lee-a'n point 16 a nei a, tun season kal laiah match khata point a neih hnem ber ṭum a ni. Detroit tan Simone Fontecchio-a'n point 18 nei mah se an team chakpui nan a tawk zo lo, tun hnaiah a zawnin match thum an tlawm ta chiah.

Inkhel dangah Golden State Warriors an chak lo - Warriors hi Los Angeles Lakers lakah 130-125 in an tlawm. Player ṭha Stephen Curry-a'n point 41 ngawt a nei a, mahse a team a chakpui zo chuang lo a ni.

Curry hian tun hnaiah a zawnin match li chhung chu 3-points vawi sarih a lut tling ziah, hetiang ti thei hi tun hmain an la awm ngai lo. Clippers hian point 14 ngawta hniam fal lai pawh an nei, mahse James Harden (26 points) leh a ṭhiante an tho chhuak.

Brooklyn Nets pawh Boston Celtics lakah 136-86 in an chak lo, an match hnuhnung paruk aṭangin vawi nga ngawt an tlawm, tun hnaiah an che fuh thei lo. Los Angeles Lakers chuan LeBron James hahchawlhtir chungin Utah Jazz chu 138-122 in an hneh thung.