Mizoramah Khelo India Univ Games

Khelo India University Games 2023 chu NorthEast state pasarihten an inthlen ṭawm dawn a, Mizoramin RG Stadium, Mualpuiah mipa football inelna a thleng ang. Assam chu main host tur niin opening pawh February 19, Thawhṭanni hian Guwahati-ah neih a ni ang.

Mizoram chhung bika inelna hi Mizoram sports minister Lalnghinglova Hmar (Tetea Hmar) hoin February 19, Thawhṭanniah khelh ṭan a ni ang a, inelna hian February 27, Thawhlehni thleng a awh ang. University pariatin inelna hi an hmachhawn dawn a, Khelo India Univ Games football-ah hian Mizoram an tel pha lo.

Main host Assam-in an thlen discipline 16 an thleng a, chungte chu athletics, rugby, basketball, volleyball, swimming, badminton, hockey, fencing, kabaddi, football (hmeichhia), tennis, mallakhamb, judo, table tennis, boxing (hmeichhia) leh shooting te an ni.

State dang paruk Mizoram (football - mipa), Arunachal Pradesh (weight lifting), Meghalaya (archery), Sikkim (boxing - mipa), Nagaland (wrestling) leh Tripura (Yogasana) te discipline pakhat ṭheuh an thleng a; Manipur erawh ram buai vangin inelna an thleng ve thei lo.