TBL leh Champhai an chak ta

Mizoram Super League champion lai Khata TBL chuan Ningani zan khan Mission Veng Hotshots chu 81-70 in an hneh, an match hmasa lamah chak lo mah se an chesual nawn duh lo.

R. Dengṭhuama Indoor Stadium, Mualpuia inkhelah TBL hian bul an ṭan ṭha a, quarter hmasa pahnihah an chungnung. Quarter thumna bikah erawh 22-9 in an hniam zawk a, a tawpah erawh a hmawr bawk ṭhatu an ni leh thung.

TBL tan hian Vanlalṭhazuala (14 points), K. Lalthianghlima (11), Emmanuel VL Awmpuia (10) leh Lalliansanga (9) te an che ṭha a, season hmasa lama an champion theihna Joshua Aaron Keys (22) a langsar takzet bawk.

MSL vawi thum champion tawh Khatla TBL hi Zarkawt BCA an hmachhawn ṭumin a vanduai zawkah an ṭang a, player malah an innghat deuh emawni a tih theih - Hotshots lakah an thawhhona ṭha chu an chakna hnar a ni.

Inkhel dangah Champhai chuan Chanmari Vikings chu 77-71 in an hneh. Champhai hian an match hmasa zawkah Nursery Veng Sporting club chu 102-96 in an lo hneh tawh bawk a, inelna bul an ṭan fuh takzet.