Osaka tlak laiin Swaitek a chak

Qatar Open khelh laiah Iga Swiatek chuan a nomawi humhim turin kawng dik a zawh, hetih lai hian Naomi Osaka erawh a tum ram thleng zo loin a zinkawng a tawp leh rih.

World number 1 Swaitek hian darkar khat leh minute 14 chhung lekin world number 1 hlui Victoria Azarenka chu 6-4, 6-0 in a hneh a, harsa vak loin quarterfinal a paltlang. Semifinal-ah Karolina Pliskov a hmachhawn zui a, result erawh kan hre hman lo.

Quarterfinal inkhel dangah Pliskova chuan Osaka chu 7-6 (8-6), 7-6 (7-5) in a hneh ve thung. Grand Slam vaw li champion tawh Osaka hian fa a neih hnuah tla hmasa aṭang khan tennis a khel ṭan ve leh chiah a ni.

Doha-a inelna neih laiah hian, quarterfinal lehlamah Wimbledon champion Elena Rybakina chuan a bul a ṭan fuh lo a, set khatnaah 4-1 in hniam zawk hman mah se a tawpah Leylah Fernandez 6-4, 6-2 in a hneh.

Seeded pathumna Rybakina hian Anastasia Pavlyuchenkova a hmachhawn ve leh thung dawn. Russian nula hian inkhel dangah Danielle Collins chu 7-5, 6-4 in a lo hneh ve leh thung a ni.