LPS Cup an pet hawng ta

Khua leh khua, veng leh veng football hmanga inelna Mahindra XUV300 LPS Cup chu Zirtawpni zan khan Mizoram Youth Commission chairman Malsawmzuala Ralte-in a pet hawng. Inelna hi naktuk February 20, Thawhlehni atanga khelh tur a ni.

Tournament hi round hmasa ber aṭanga round of 32 thleng Armed Vengah leh Ramhlun Sports Complex-ah khelh a ni dawn a; round of 16 aṭanga final thlengin Rajiv Gandhi Stadium, Mualpuiah chhunzawmin, quarterfinal aṭanga final thlenga an inkhelh chhoh dan tur pawh ṭhat leh a ni ang.

Inrinni khan Lammualah referee turte dinhmun endikin fitness test neih a ni a, Referee Board Chairman HF Lalrinpuia chuan dik taka thutlukna siam turin an infuih nasa hle tih a sawi.

Kum 2013 aṭanga 2019 thlengin Aizawl District Football Association chuan hlawhtling takin kum tin veng leh khaw hrang hrang football inelna a buatsaih tawh a, kum nga hnuah LPS Vision nen thawk dunin tharthawh leh a ni dawn a ni.