Mizoramin gold leh silver medal la

1st Khelo India Women's Taekwondo League 1st Phase neih zawh takah Mizo infiammi ten gold medal pakhat leh silver medal pahnih an hlawh chhuak.

Dronacharya Indoor Hall, DGAR Assam Rifle, Shillong-a inelna neihah Vanlalthlamuanpuii (cadet, under 59kg) chuan gold medal a la. A hlawhtlinna kalkawngah hian Assam (8-5, 3-2), Manipur (2-0, 7-3) leh Manipur mi tho (4-0, 4-2) a hneh.

R. Lalbiaknuami (under 49kg) chu junior huangah a khel a, Mami hian Meghalaya (6-0, 7-0), Bihar (7-0, 9-2) leh Assam (6-2, 7-1) te a hneh a, final-ah erawh SAI NCOE, Guwahati lakah (2-1, 4-6, 3-5) in a vanduai.

Junior huangah tho PC Lalduhawmi (under 46kg) a inlan a, ani pawh hian Assam (8-1, 9-0) leh Meghalaya (16-11, 12-5) te a hneh a, mahse final-ah Assam chu (2-9, 0-8) in a hneh lo.