Sinner-a tan Rotterdam Open nomawi

Jannik Sinner chuan tunlai mipa tennis player ṭha leh hlauhawm a nihzia a takin a lantir leh ta. Pathianni zana khelh zawh tak Rotterdam Open-ah Italian tlangval hian Alex de Minaur hnehin a champion.

Australian Open champion Sinner hi awlsam takin a chak mai bik lo - world number 11 De Minaur a ṭang thei hle, inkhel inhnehtawk takah Sinner hi 7-5, 6-4 in a chak a, tun hnaiah a zawnin match 15 chhung hnehna a chang ta.

Tennis a khelh hun chhunga nomawi 12 dawng tawh Sinner chuan, "Australian Open ṭha takin ka khel a, chumi hnuah ṭha tak bawkin tournament dang ka khel zui leh thei mai a, ka tan chuan hun duhawm a ni," a ti.

Season hmasa hmawr bawkna ATP Finals-ah khan Sinner hian world number 1 Novak Djokovic a ngam lo, a hnu lamah chuan a hma a ding apiang a hneh zel - Australian Open nomawi chawi tur khan a kalkawngah Djokovic ngei hi a hneh let.