Tuchel a chhuak dawn lo - Bayern CEO

Bayern Munich CEO Jan-Christian Dreesen chuan beisei ang result nei lo mah se, tun hnai maiah head coach Thomas Tuchel ban tumna an la neih loh thu a sawi a, "Karlehah pawh kan coach a la ni ang," tiin Chelsea boss hlui hi a chhan.

German champion Bayern hian Pathianni zan khan VfL Bochum chu 3-2 in an ngam lo a, inelna hrang hrangah match thum a zawna an tlawmna a ni - Xabi Alonso enkawl Bayer Leverkusen lakah 3-0 in an mualpho tawh a, Champions League last 16 first leg-ah Lazio chu 1-0 in an ngam lo bawk.

VfL Bochum laka an tlawm chiah hian Bayern hian hmahruaitu Leverkusen hi point riatin an thlau a, champion ṭhang Bayern hian Tuchel hi an ban zui mai tur anga sawi thawm a ri ring hman hle.

Dreesen chuan, "Thu puarpawleng mai mai a ni a, kan coach chungchanga thusawi awmte hi thudik tawk lo a ni," a ti a, journalist-ten, "Karlehah pawh a la awm ang maw?" tia an zawh luihna chu chhangin, "Tehreng mai," a ti bawk.