Hotshots hnehtu Bungkawn LB

Mizoram Super League season 9 kal laia team hmuhnawm zinga mi Bungkawn LB Associates an chak leh ta. Bungkawn LB hian Thawhlehni zan khan Mission Veng Hotshots chu 89-78 in an hneh.

R. Dengṭhuama Indoor Stadium, Mualpuia inkhelah LB tan Gregory Lee Heckstall-a'n point 34 ngawt a nei a, point 19 neitu Zorempuia bakah Reuben Lalsangkima (12) leh T. Lalhriatzela (10) ten an thlawp ṭha bawk.

Bungkawn hi semifinal khelh tum ngam zinga mi an ni a, season an hman ṭhat avangin team dang tana hmachhawn châkawm lo an ni. Mission Veng Hotshots tan pawh a thiam pali zinga tel turin beiseina a lang ve bawk a ni.

Thawhlehni zan inkhel dangah Nursery Veng Sporting Club chuan Dequandre Duprii Dentmond-a point 36 hmangin Venghlui VR4 chu 95-87 in an hneh a, inelna neih laiah a vawi khat nan hnehna an chang - Zirtawpni zanah Zarkawt BCA an la hmachhawn leh ang.

Venghlui VR4 erawh an che fuh thei lo, thil mak a thleng a nih ngawt loh chuan semifinal beiseina a bo tluk a ni - Zirtawpni zanah tho Chanmari Vikings an tum leh thung dawn a ni.