Jamshedpur leh East Bengal inkhel dawn

Khalid Jamil-a'n Jamshedpur a enkawl hnuah Super Cup hmachhawn nghalin, semifinal a hruai thleng a, a ngam loh chu a club hlui East Bengal a ni - zanin dar 7:30 hian team pahnih hi ISL-ah an intawng dawn a, Khalid-a tan phuba lakna hun ṭha a inher chhuak tiin a sawi theih.

East Bengal hian I League-a Aizawl FC a champion pui hnu khan Khalid hi an thlem chhuak a, nuai 125 hlawhtirin, Indian top flight league-a Indian coach hlawh hnem berah an siam. Mahse, kum khat pawh a tlin hmain Khalid an ban a, tunah an intawng leh dawn ta.

Khalid hian Jamshedpur hi match riat kaihruai tawhin, vawi nga hnehna a chanpui a, vawi hnih draw neiin, an chak loh awmchhun chu East Bengal a ni - ISL-a Men of Steel la tlawmpui lotu coach hian zaninah hnehna chan ngei a duh ang.

Jamshedpur hian Ricky Lallawmawma leh PC Laldinpuia an kawl a, East Bengal hian Lalchungnunga leh Vanlalpeka Guite an kawl thung.