Messi hoin Inter Miami an chak

Lionel Messi khelhna Major League Soccer (MLS) chu nimin khan an khel ṭan - Messi telna Inter Miami chuan an match hmasa berah Real Salt Lake chu 2-0 a hnehin point thum nen bul an ṭan.

Chase Stadium-a inkhelah Messi hian goal khung lo mah se khelmual chhunga a chetla a hmuhnawm, goal khatna a luh theih nan Argentina captain hian Robert Taylor tan ball ṭha tak a siamsak a ni.

An goal hnihna luh dawnah pawh Messi hian Barcelona tana a khelhpui Luis Suarez nen kawng an sial hmasa. Suarez-a'n Diego Gomez tan siamsakin MLS a khelh hmasak berah assist a nei nghal.

Miami coach Gerardo Martino chuan, "Nuam ti takin a inkhel a, a che vel a zangkhaiin hmuh a nuam khawp mai," tiin Messi chungchang a sawi a, season thar inbuatsaihna lamah che ṭha tawk lo mah se inelna takah bul an ṭan fuh.