Vikings lakah Khatla TBL an chak

Mizoram Super League (MSL) champion lai Khatla TBL chuan Nilaini zan khan Chanmari Vikings chu 81-71 in an hneh, tun season match li an khelh tawhah vawi thum hnehna an chang.

R. Dengṭhuama Indoor Stadium, Mualpuia inkhelah TBL tan Vanlalṭhazuala bawk a langsar. Ṭhazuala hian point 18 a nei a, ram pawn aṭanga chah luh Joshua Aaron Keys chuan point 33 a nei bawk a, anni pahnih hian an chak theih nan tha an thawhhlawk hle.

Chanmari Vikings tan Tamas Amonte Bruce-a'n point 30 a nei a, tualchhung player zingah F. Zodinthara (11 points) leh Moses Zoremmawia (10) ten thlawp ve bawk mah se chak nan a tawk zo lo - match nga aṭanga a vawi hnih nan an tlawm.

Inkhel dangah Zarkawt BCA chuan Champhai lakah 105-91 in hnehna an chang ve bawk a, MSL vawi li champion tawh BCA hian tun season league match vawi nga an khelh tawhah hnehna chang vekin table hmahruaitu an ni.