Quarterfinal-ah Gauff a lut

Coco Gauff chuan Nilaini zan khan Karolina Pliskova 2-6, 6-4, 6-3 in a hneh a, tennis inelna neih lai Dubai Championship-ah quarterfinal a inhlangkai, nizan khan AnnaKalinskaya nen intawng leh nghalin result erawh kan hre hman lo.

Tun hnaiah Pliskova a khel ṭha ṭhin, a match hnuhnung 11-ah a chak vek - tunah erawh a kaltluang ṭha lai hi a tawp ta rih. American tleirawl Gauff hi tunlai player hmunawm berte zinga mi a ni a, inelna lian French Open an khelh hunah pawh en hlawh bik a ni ang.

Inkhel dangah Iga Swiatek chuan Elina Svitolina chu 6-1, 6-4 in a hneh. Kar hmasa lawk khan Swiatek hian Doha title a la, tunah nomawi dang chawi leh turin kawng dik a zawh mek - Australian Open finalist Zheng Qinwen nen an intawng leh dawn a ni.

Dubai Championship-ah hian Wimbledon champion Elena Rybakina pawh a la chak, ani hian Magdalena Frech chu 7-6 (7-5), 3-6, 6-4 in a hneh. Seeded palina Rybakina hian 6-4, 6-2 a Maria Sakkari hnehtu Jasmine Paolini a hmachhawn leh ang.