Shami-a'n IPL 2024 khel dawn lo

India bowler ṭha mi Mohammed Shami chu a ke rek veilam hliam zai a ṭul dawn avangin IPL2024-ah a khel thei dawn lo a, Gujarat Titans tan channa lian tak a ni ang. Shami hi United Kingdom-ah zai dawn.

Gujarat Titans hian hliam vang thoin captain Hardik Pandya an chan tawh a, Pandya captain-na hnuaiah hian an champion nghal bakah inelna hnuhnung ber khan champion nomawi an humhim teuh hle. Kumin hian Shubman Gill captain-na hnuaiah an khel ang.

Titans hian Shami chungchangah thu chhuah nei lo mah se Shami thlakna tur hi lak an phalsak dawn a, IPL auction-a thlan loh player aṭangin duh an thlang ang. Chutihrualin player an lak tur man hi Shami aiin a man a to thei lo thung.