NorthEast United an chak

Indian Super League khelh mekah NorthEast United chuan FC Goa an barakhaih a, Nilaini Zan khan 2-0 in an hneh - Highlander tan hian Tomi Juric chuan minute 69-naah penalty hmangin goal hmahruai a khung a, Goa defender Odei Onaindia chuan minute 80-naah an lamah a tilut bawk.

Goa hian kar hmasa lawk khan Mohun Bagan chu 1-0 in an ngam lo a, tun season ISL-a an tlawm hmasak ber a ni. Nilaini zanah insiamṭhat beiseiin NorthEast United an mikhual a, rin loh takin an tlawm ta zawk - Goa tan Mizoram player Ayush Chhetri chuan inkhel bul a ṭan.