Khelo India Calicut leh Punjabi an tlang

Khelo India University Games 2023 neih laia Mipa Football-ah semifinal khel tur team pahnih a chiang tawh. Group A hmahruaitu University of Calicut leh Punjabi University ten semifinal an lut.

Nimin khan Rajiv Gandhi Stadium, Mualpuiah Group A ten an group match hnuhnung ber an khel a, University of Calicut chuan University of Calcutta chu 3-1 in an hneh, league match thum an khelh chinah an chak vek.

Group A inkhel hnuhnung zawkah Punjabi University pawhin Guru Nanak Dev University chu 1-0 in an hneh ve bawk a, anni pawh hian match vawi thum an khelh aṭanga point ruk hmuin semifinal an lut bawk a ni.

Vawiin hian a hmun ngaiah inkhel pahnih a awm leh dawn. Group B-ten an group match an khel zo ve thung ang a, a sang pahnih ten semifinal hmun ruak dang pahnih an hnawh khat ve leh dawn a ni.