NE Olympic atan Mizoram cricket team tur puang

24th February, 2024

Cricket Association of Mizoram (CAM) chuan 3rd North East Olympic Games 2024 atana Mizoram aiawh tur player 15 hming a chhawp chhuak. Chaltlang tlangval Bobby Zothansanga chu captain tur a ni ang.

March 18-23 chhung hian Nagaland-ah 3rd North East Olympic Games 2024 hi neih tur a ni dawn. Mizoram Olympic Association (MOA) chuan infiamna peng hrang hrangah infiammi a tir dawn a, heng zingah hian cricket pawh a tel a ni.

Mizoram aiawh tur hian Ramhlun Venglai chuan player pali - Joseph Lalthankhuma (vice captain), Johan Lalbiakkima, Remruatdika Ralte leh K. Vanrotlinga te an thawh a, veng mala player ngah ber an ni.