A vawi thum nan Champhai an chak

Mizoram Super League (MSL) season 9 khelh laiah Champhai Basketball Club chu a tikimtu mai an ni satliah lo a, semifinal khel phak turin an dinhmun an siamṭha zel.

Ningani zan khan R. Dengṭhuama Indoor Stadium, Mualpuiah inkhel pahnih awmin Champhai hian Venghlui VR4 chu 103-93 in an hneh a, tun MSL neih laiah match nga an khelh aṭangin vawi thum an chakna a ni.

Champhai tan hian Lalropuia chuan point 35 ngawt neiin a thawhhlawk hle a, state pawn aṭanga chah luh Tevis Ryan Robinson Jr chuan point 38 nei bawkin an chak theihna hnar pawimawh pahnih an ni chiang hle.

Inkhel dangah champion lai Khatla TBL chuan Nursery Veng Sporting Club lakah 115-97 in hnehna an chang ve bawk. TBL hi an match hmasa berah chesual zauh mah se an insiamṭha nghal a, tunah chuan a zawnin match li an chak tling leh tawh a ni.