Striker dang ka khelhpui thei - Martinez

Inter Milan striker Lautaro Martinez chuan a bula khel tur chungchangah buaina a nei lo tih a sawi a, a ṭhiante hnen aṭangin thil tam tak a zir chhuak zawk ṭhin a ni tih a sawi.

Kum 26 mi Martinez hian tun season Serie A bikah match 22 aṭangin goal 20 a khung tawh a, tunlai striker hmuhnawm berte zinga mi a ni. Inter hian a thachhang dawl turin Marko Arnautovic an nei bawk - ani hian Champions League lamah Inter hi a chakpui thung.

Argentina international Martinez chuan, "Inter Milan tana ka khelh chhung hian player hrang hrang ka khelhpui tawh, a bik takin striker hran hran nen kan tlan dun tawh ṭhin a, tun thleng chuan buaina ka nei lem lo.

"Marcus Thuram nen kan khel dun thei a, ani bakah hian Marko nen pawh kan khel dun thei bawk. Ka kianga awmte hnen aṭang hian thil tam tak ka zirchhuak zawk ṭhin," tiin a sawi.

Inter Milan hian Serie A table-ah hma an hruai mek. Pathianni zan hian Lecce an lenchilh dawn, league champion ni turin an dinhmun ṭha viau tawh mah se kawng zawh tur a la thui avangin fimkhur erawh a la ngai hle ve bawk.