Khelo India : Vawiinah semifinal khel dawn

Mizoramin a thlen Khelo India University Games 2023 mipa football chu a hmawr bawk a hnai a, vawiin hian RG Stadium, Mualpuiah semifinal match pahnih khelh a ni ang.

Chawhma dar 9:00 hian Group A hmahruaitu ni chunga tlang University of Calicut leh Group B lama pahnihna Mahatma Gandhi University ten final luh an inchuh dawn a ni.

Chhun dar 12:00-ah match pahnihna khelh tur niin, Grpup B hmahruaitu University of Kerala leh Group A pahnihna Punjabi University te an inkhel ve thung ang.

Khelo India mipa football-ah hian a tirah chuan team pariat an tel a, group pahnihah ṭhen hran niin an inkhelh kual vek hnuah a sang pahnih zelin semifinal hi an lut. Ruahman dan chuan February 29, Ninganiah a hmawr bawk tur a ni.