Meghalaya-in point an hlawh chhuak

FIFA Santosh Trophy-ah Meghalaya chu nimin tlai khan Kerala nen 1-1 in an inhnehtawk, nikum finalist Meghalaya hi match thum an khelh tawh aṭangin point khat chiah an la hmu. Inkhel dangah Goa-in Services 2-1 ni an hneh a, knockout stage lut turin an dinhmun a ṭha hle. Nizan khan inelna thlengtu Arunachal Pradesh leh Assam an inkhel a, result kan hre hman lo.

Meghalaya-in match hmasa berah National Games-a gold la thei Services an hmachhawn a, inkhel an thunun zawk. Mahse, Services an vannei zawk a, hun tawp dawna penalty hmangin 1-0 in an chak. Meghalaya-in Assam an hmachhawn leh a, 1-2 in an hneh lo. Assam hian player 10-in second half minute 35 chhung khel mah se Meghalaya-in an tamna an hmang ṭangkai thei lo.

Golden Jubilee Stadium-ah nimin khan Meghalaya hian Kerala an hmachhawn a, minute lina lekah Naresh-a'n Kerala tan goal hmahruai a khung a, goal dang a luh belh tawh lo. Meghalaya an vanduai takzet a, Kitbolang Pale-a'n goal ruakah a khung lo. Meghalaya hi chak lo thei dinhmuna an din hnuah Sheen Stevenson Sohktung-a'n a penalty hlawhchhuah chu a hlah a, mahse goalkeeper tihper hi minute 78-naah goal-ah a chantir tho. Kerala leh Meghalaya 1-1 in an inhnehtawk a, quarterfinal lut tur hriatthiam a la har hle.

Group A hmahruaitu Goa-in match hmasa berah Arunachal Pradesh lakah point khat chauh an hlawh chhuak a, amaherawhchu match harsa pahnih tura ngaihah point ruk an hmu. Kerala an hneh hnuin Goa hian nimin khan Services an hneh a, point thum hlu bik a ni.

Inkhel inhnehtawk takah Goa tan Lloyd Cardozo-a'n minute 70-naah goal hmahruai a tauh lut a, minute 89-naah Joshua D'silva-a'n a penalty hlawhchhuah chu a khung leh bawk. Services-in an thiampuipa Christopher Kamei hmangin si phurh sut ṭhen mah se goal dang khung belhna hun a awm tawh lo. Goa-in point sarih an hmu a, Services-in point ruk hmuin Kerala-in point li an hmu tawh. NorthEast pathum Asaam (3 pts), Arunachal Pradesh (1 pt) leh Meghalaya (1 pt) te table hnuai lamah an awm.