Semifinal-ah Swiatek chak lo

Hmeichhe tennis world number 1 Iga Swiatek chuan Dubai Tennis Championship final a lut phak lo, semifinal inkhel hmuhnawm takah Anna Kalinskaya chuan Swiatek hi darkar khat leh minute 42 chhungin 6-4, 6-4 in a hneh.

Polish nula Swiatek chuan, "Thahrui ka nei tawh ngang lo a ni, tihdan tur leh ruahmanna ṭha neiin hre mah ila tha neih tawh loh chuan a tihngaihna a awm tawh lo," tiin a sawi.

Swiatek hian Dubai Tennis Championship hma lawkin Doha-ah nomawi a chawi a, chawlhhahdamna hun pawh nei loin tournament a khel chhunzawm leh nghal a ni.