Messi-a'n goal a khung

Lionel Messi chuan tun season Major League Soccer (MLS) atana a goal hmasa ber chu nimin zing khan a khung a, goal khung mah se Inter Miami chu LA Galaxy nen 1-1 in an inhnehtawk.

Messi awmna Inter Miami hi an chak lo teuh hle, mualneitu LA Galaxy lamin Dejan Jovelic hmanga an khung hmasak chu sut an harsat, hamrik hnuhnung ber rik hma chiahin Messi hian a sut hram.

Barcelona tana khel dun tawh Messi leh Jordi Alba ten mawi takin ball an inpe kual a, a tawpah Messi hian box chhunga Alba cross luh chu tlu chungin a pet lut a, goal dang luhna hun a awm tawh lo.

Season hmasa laklawh laiin Messi hian Inter Miami hi a zawm a, a season hmasa berah Leagues Cup a lakpui nghal. Tun season hi a bul aṭanga a inlan vawi khatna niin, match hnih a khelh tawhah goal leh assist vawi khat ve ve a nei tawh a ni.