Delhi Open umpire zingah Ruata

Mipa tennis thuneitu sang Association Tennis Professional (ATP) hnuaia inelna zinga mi - Delhi Open 2024 khelh laiah Mizo tlangval B. Lalruattluanga chu umpire zingah a tel.

Inelna hi February 25, Pathianni aṭanga khelh ṭan niin March 3, Pathianni thleng a awh ang. Ruata hi Mizo zingah chuan tennis national umpire awm chhun a ni a, ATP hnuaia inelnaa umpire ni turin tehna hrang hrangah hian a tling.

ATP Challenger 100 hi tun season chhungin India ramah hian khawpui pali - Pune, Chennai, Bangalore leh Delhi-ah te khelh a ni. Indian player ṭhate an tel kim ṭhin hle a, khawvel hmun dang aṭangin player ṭha an inlan ṭhin bawk.