Keifang Jt an chak nuamsa

Mahindra XUV 300 LPS Cup Inter Village Football Tournament 2024 chu khelh chhunzawm zel a ni a, nimin inkhelah Keifang Jt chuan 12-0 ngawtin Lungsei an sawp - Keifang tan Lalchhanchhuaha chuan goal nga ngawt a khung a, Jacob Lalhruaisanga, Lalbiakhlua leh Hmingthanzauva ten goal hnih ṭheuh khungin, VL Remruatfela chuan goal khat a thawh ve bawk.

Vaivakawn pawhin 10-0 in Tachhip an sawp a, Benjamin Lalnunpuia chuan goal li a khung. Ngaihven hlawh Sialhawkin Moses Lalrinzuala leh Crespo Vanlalhriatpuia goal hmangin Saikhamakawn chu 2-1 in an hneh a, Chanmari West leh Durtlang North te 1-1 a inhnehtawk hnuah penalty hmangin Durtlang North an chak.

Bethlehem pawhin hnehna changin, Mission Vengthlang chu 1-0 in an hneh a, Salem Veng leh Ramhlun Vengtharte hun pangngaiah 1-1 in inhnehtawk mah se, penalty-ah 7-6 in Salem Vengin hnehna an chang.