Dubai title latu Jasmine Paolini

Dubai Tennis Championship khelh zawh takah a tir lama rin hlawh ni phak lo Jasmine Paolini a champion. Paolini hian set a hloh hmasak hnuah Anna Kalinskaya chu 4-6, 7-5, 7-5 a hnehin nomawi a chawi.

Kum 28 mi Paolini chuan, "Mitin mai hian thawnthu hi kan nei hrang vek mai a, kei ngei pawhin ka tana hun ṭha herchhuah hun tur hi ka nghak rei hle," a ti. Tennis a khelh hun chhungin WTA 1000 title a lak vawi khatna a tawng.

Italian nula zingah Paolini hi Dubai title la thei pahnihna a ni nghal bawk. Sara Errani chuan kum 2016 khan Dubai title hi a lo la tawh a, khatih lai chuan WTA 500 a la ni, tunah chuan an tidanglam tawh.

WTA 1000 title lak lamah chuan Italian nula zingah pathumna a ni nghal bawk. Flavia Pennetta (Indian Wells 2014) leh Camila Giorgi (Montreal 2021) te chu Grand Slam dawta inelna sangah hian an lo champion tawh bawk a ni.