Entertainer of the Year BTS Person of the Year Biden & Harris

America rama magzine lar ber pawl TIME chuan K-Pop Superstar chu an magazine 2020 Entertainer of the Year-ah an thlang. 

'Dynamite' hitmaker-te hi kuminah khawvel ram hrang hrangah an tla na hle a, ram ropui America lamah pawh tla na hlein chart hrang hrangah an che ṭha thin hle. Time magazina-a mi Raisa Bruner chuan BTS chu K-Pop chart-a ropui ber an ni satliah lo a, khawvela band ropui ber an ni tawh tia sawiin K-Pop band-te chu a fak hle.

BTS member Suga chuan an lawmzia sawi langin an chunga thil awihawm loh tak tak thleng ṭhin chu awih har a la tih fo ṭhin thu a sawi hial a ni.

Bangtan Boys ropuina hi tarlan nawn fo a ṭul dawnin a lang, kar hmasa lamah lawk khan khawvela band ropui bera chhal ngam The Beatles record ropui tak an lo nihrual tawh a, an huhang hi hetianga a na chho zel a nih chuan record hrang hrang an la break chhunzawm zel mai thei.  

Time magazine hian US President elect- Joe Biden leh Vice President-elect Kamala Harris chu  2020 Person of the Year-ah an thlang.

Time editor-in-chief  Edward Felsenthal chuan Biden Harris ticket chuan thil thil chhinchhiah tlak a entir tih sawiin Person of the Year chu kum khat atan chauh a ni lo a, khawilam nge kan zawh dawn tih lam zawk a ni, a ti.

US President-te hi Time cover-ah hian an lang fo a, tun hi Vice-President an lan vawi khatna a ni thung.

2020 Businessperson of the Year-ah Eric Yuan chu Time hian an thlang a, 2020 Guardians of the Year-ah Dr. Anthony Fauci, Frontline Health Workers, Porche Bennet-Bey, Assa Traore leh Racial-Justice Organizer -te chu puangin LeBron James chu Athlete of the Year-ah an puang bawk a, kum 15 leka upa scientist leh inventor ni bawk Gitanjali Rao chu First Kid of The Year-ah an puang bawk a ni.