Maidstone zinkawng ngaihnawm a tawp

Non-league club Maidstone-in FA Cup quarterfinal luh an tumna chu Coventry City hmaah a thamral a, Championship club hian an mikhual hi Thawhlehni zan khan 5-0 in an sawp - Coventry tan striker Ellis Simms chuan first half chhungin hattrick a siam a, Fabio Tavares chuan goal hnih a khung ve bawk.

Sixth division club Maidstone hian kum 109 chhunga non-league club zinga FA Cup quarterfinal lut thei pahnihna nihna chance an nei a, mahse, English Football League khel pha club Barrow, Stevenage leh Ipswich Town te pet chhuaktu Maidstone tan Coventry meuh chu an lian lutuk hret.

Coventry khelmualah Maidstone hi an fans 4,800 zetin an ṭawiawm a, coach George Elokobi hoin player-ten an fan-te hi inkhelh hmain lawmthu an hrilh. Mahse, an zinkawng tawpna a ni zui a, lawm tur erawh an ni - kum 1978-a Blyth Spartans hnua English top five division hnuai lamin FA Cup fifth round an luh hmasak ber record chu an siam tho a ni.