Thenzawlin Zemabawk North an hneh

Mahindra XUV 300 LPS Cup Inter Village Football Tournament 2024-ah inkhel hmuhnawm leh result ngaihnawm hriat tur a awm zel a, nimin inkhel ngaihven hlawh zingah Thenzawl Jt. chuan 4-3 in Zemabawk North an hneh - round of 16 an lut.

Zemabawk N hian rei tak chu 3-1 in hma an hruai a, Thenzawl hian minute 90 hmaa si phurh sut zoin, hun pek belhah chakna goal an khung zui.

Nimin Ramhlun Sports Complex-a inkhelah Tlungvel chuan 2-0 in Tuikual North an hneh a, round of 32 an lut a, 6-1 ngawta Sihphir sawptu Ramhlun South nen an intawng ang. Nimina RSC-a inkhel hnuhnung berah Tuivamit chuan 3-1 in Melriat an hneh bawk.

Armed Vengin last 16 lut turin Sairang chu 2-1 in an hneh a, Republic Veng chuan a thiam 16 zinga tel turin Lungleng I chu 6-1 in an sawp bawk - Lungleng hian goal hmahruai khung zet mah se, Republic hian goal rukin an chhanglet a ni.