Punjab-in Hyderabad an hneh

Indian Super League-ah Punjab FC an chak ve leh ta a, I League champion hian kum 2024 an hmang ṭha zel - Thawhlehni zan khan Hyderabad chu 2-0 in an hneh a, Luka Majcen leh French attacking midfielder Madih Talal ten goal khat ve ve an khung.

Slovenian striker Majcen hi player thiam tak tia sawi tur ni lo mah se, goal a khung thei lo. Season hmasa I League-a Punjab an champion theih nan league match 20-ah goal 16 a khung a, ISL-a a season hmasa berah match 16 khelin goal ruk a khung leh tawh.

Greek coach Staikos Vergetis enkawl Punjab hian ISL-ah match li hnehna an chan vena chiah a ni a, heng zinga match thum hi kum 2024-a an chak a ni - an tan chuan 2024 hi kum ṭha tih loh rual a ni lo.

Thawhlehni zan inkhelah hian Hyderabad tan Mark Zothanpuia, Lalchhanhima Sailo leh Ramhlunchhunga te chuan inkhel bul an ṭan a, bench aṭangin Jeremy Zohminghlua leh Aron Vanlalrinchhana chu luhtir an ni - Punjab tan Daniel Lalhlimpuia chu hun pek belhah a lut ve bawk.