India hmachhawn tur Laos

Nimin khan AFC House, Kuala Lumpur-ah 2019 AFC Asian Cup qualification - Playoff Round fixture chu pawh a ni a, India-in Laos an hmachhawn ang.

India hian 2018 World Cup qualifier-ah Guam chiah an hneh avangin seeded an ni pha lo a, amaherawhchu an vanneih zarah pot 1 lama team
ṭha lo bera ngaih Laos an hmachhawn ang. Playoff Round 1 hi June 2 leh June 7-ah khelh tur a ni a, Round 2 hi September 6 leh October 11-ah khelh tur a ni.

India hian Laos hi an hneh lo a nih chuan Round 2-ah Maldives leh Yemen chak lo zawk nen an inhmachhawn ang. Round 1-a chak zawngin Third Round an lut ang a, a chak lo tan Third Round luh theih dan a la awm bawk.

FIFA Ranking-a 162-naa awm mek India tan 182-naa awm Laos hi hneh ngei tura ngaih a ni a, Third Round an lut pha lo a nih chuan Stephen Costantine tan banna tham a tling. Qualifier Third Round-ah hian India tana tluk phak tura ngaih
ṭhenawm ram Afghanistan leh Myanmar te chu an inpetling tawh.

AFC Asian Cup vawi 17-na chu kum 2019 khian UAE-ah khelh a ni ang.