Zaninah chak la nei lo Almeria

Tun season La Liga-ah chak la nei miah lo team pakhat an awm a, an hming chu Almeria a ni - league match 26 an khelh tawhah an la chak miah lo a, point kua an neih mek chu draw result aṭanga an hlawhchhuah vek a ni!

Almeria hian table mawngphah an luah mek a, a him china awm Celta Vigo chu point 12-in an phak lo mek a, zanin dar 1:30-ah Celta hi khualmualah an lenchilh dawn - Almeria tan tun season-a an chak hmasak berna hmu turin hun remchang a ni.

Celta Vigo tan Renato Tapia, Mihailo Ristic, Joseph Aidoo leh Carlos Dotor chu inlan thei lo tur chiang a ni a, Williot Swedberg dinhmun a chiang lo. Striker chhuanvawr Iago Aspas chu hrem vangin a inlan thei dawn lo a, Almeria tan hriat a nuam ang.

Almeria-in chak la nei lo mah se, an league match hnuhnung pathumah an khingpui an draw vek a, an inhnehtawkpui zingah Atletico Madrid an tel - an insiamṭha ṭan tih a lang a, Celta Vigo tan chetsual theihna tur an ni.