Alberth Elis a ṭha zel

Bordeaux striker Alberth Elis chhungte chuan a lu hliam vanga enkawl reng a nih hnuah, Elis chuan dam lam a pan thu an sawi a, "Fimkhur taka inenkawl zel erawh kan la mamawh rih," an ti.

Kum 28 mi Elis hi Inrinni khan Ligue 2 match-ah Guingamp defender Donatien Gomis nen an intauh palh a, a dinhmun hi a ṭhat loh avangin zai zui a ni a, tunah erawh a harh chhuak leh ṭan ta niin a lang.

Elis-a chhungte chuan, "In mi thlawpna, fuihna leh ṭawngṭaipuina avangin lawmthu kan sawi a, a bik takin medical team hnenah lawmthu kan sawi. Albert hi huaisen taka bei ṭhintu a ni a, a chanchin kan inhriattir zel dawn nia," an ti.

Kum 28 mi Alberth Elis hian Honduras tan match 60 khelin, goal 13 a khung tawh a, an ram club Olimpia aṭanga a career ṭanin, Mexican club Monterrey leh MLS club Houston Dynamo tante a khel tawh.

Kum 2020 khan Primeira Liga club Boavista zawmin, Bordeaux bakah hian Ligue 1 club Brest tan a khel tawh bawk.