Gokulam-ah Italian coach

I League club Gokulam Kerala FC chuan season thar atan Italian coach Vincenzo Alberto Annese an lalut dawn a, kum 35 mi coach hi UEFA Pro License nei a ni. 

Kerala club hi season hmasa khan Spanish coach Fernando Santiago Varela chuan a enkawl a, season ṭantirah Durand Cup meuh chawipui mah se Bangladesh-a inelna Sheikh Kamal International tournament-ah beisei an phak lo a, I League-ah beisei ang result a pe thei lo zui. 

Annese hi a kum naupang mah se tawnhriat a nei ṭha hle - kum 26 lek a nihin Italian third division club S.S. Fidelis Andria 1928 youth team chu kum hnih a enkawl a, kum 2012-ah senior team enkawltuah ruat a ni. 

Italy-ah hian season khat dang chu third division club tho Foggia Calcio a enkawl a, a hnuah Estonia, Armenia (national Under 18), Latvia, Ghana, Palestine, Indonesia, Kosovo leh Belize (national team)-ah te kal kualin team a enkawl nual a ni.