Kum li chhung atan Pogba an hrem!

Paul Pogba chu damdawi hman phal loh a hman avangin kum li chhung atan hrem a ni. Juventus midfielder hian hrem a nihna chuan a barakhaih tih a sawi a, a theih anga khinlet ngei a tum tih a sawi bawk.

Kum 30 mi Pogba hi nikum September thla aṭang khan hrem lailawk a lo ni tawh. France international hian intihchakna damdawi lam chi a hmang tihhmuhchhuah a ni a, tun hnai khan kum li chhung atana hrem a nihna hi an puang.

Nikum August thla khan Juventus chu Serie A match an khelh ṭan dawnah an player ho endik an ni a, hemi ṭum hian Pogba hi a fihlim lo. Nikum October thla khan endik nawn leh niin a fihlim leh ta chuang lo a ni.

Pogba chuan, "Infiammi ka ni a, chuvangin thil dik lo taka tih duh mi ka ni lo. A ruka thil sual tih hi ka thlawp ngai lo a, taksa tihchak leh thil dang tih pawh ka chiang chuang lo, nakinah chuan ka dik a ni tih hi a lo lang chhuak ang.

"Ka chunga hremna an lekkawh dan hi mak ka ti a, ka theih angin Court of Arbitration for Sport lamah ka zualko ve ang," a ti. Court of Arbitration for Sport (CAS) hi infiamna lama thubuai ngaihtuahtu sang ber a ni.