Raducanu tan Miami Open wildcard

Tennis inelna ngaihhlut zinga mi Miami Open chu tun thla hian khelh a ni dawn - inelna hmachhawn thei turin Emma Raducanu chu duhsak zingah a tel a, wildcard pek a ni - qualifying khelh ngai loin a inlan tlang nghal thei ang.

Kum 21 mi Raducanu hi February thlatir lam khan Doha Open-ah a inlan a, Ukraine player Anhelina Kalinina a ngam loh hnuah tun thlengin a la inkhel leh lo, tun thla chhung chuan a inkhel leh thei dawn tawh niin a lang.

Britain nula Raducanu bakah hian kum 43 mi Venus Williams leh Caroline Wozniacki te pawh wildcard hi pek an ni. Grand Slam dawta inelna ngaihhlut Masters 1000 a ni bawk a, player inlan an hraw leh dawn hle.

Miami Open hi March 17 aṭanga khelh tur a ni a, hemi hma hian March 6 aṭangin Indian Wells khelh tur a awm bawk. Raducanu hian Ningani khan Los Angeles a pan tawh a, tournament pahnih hi a khel thei tura ngaih a ni.