Heat lakah Nuggets an chak

Denver Nuggets chuan nimin zing khan Miami Heat chu 103-97 in an hneh a, an chak theih nan hian Denver Nuggets chuan point 30 a neih bakah rebound ṭum 11 lain a thawhhlawk takzet a ni.

Team pahnih hi season hmasa NBA Finals-ah khan an lo intawng tawh, tun ṭumah hian an inbei tawk hle. Poter-a bakah hian Nikola Jokic (18 points), Kentavious Caldwell-Pope (18) leh Aaron Gordon (16) ten an thawhhlawk hle.

NBA regular season kal laiah Nuggets hian vawi 41 hnehna chang tawhin Western Conference table-ah pathumna an ni mek a, a chak lo Heat hi Eastern Conference table-ah pariatna an ni mek thung.

Inkhel dangah Los Angeles Lakers chuan Anthony Davis-a point 40 neih hmangin Washington Wizards chu 134-131 in an hneh, team pahnih an inkhelh tawk em avangin overtime an khelh zawh hnuah chak zawk a hriat theih chauh a ni.

Davis bakah LeBron James a langsar leh hle. James hian assist vawi kua a nei a, basketball inelna ngaihhlut NBA huangah hian assist vawi 40000 nei tling turin assist vawi kua chiah a mamawh tawh - player dang tumahin an la tih theih ngai loh ti turin hmabak a tam ta lo hle.