Odisha-in hma an hruai zel

Indian Super League table chung berah Odisha an awm chhunzawm zel a, Ningani zan khan East Bengal chu 2-1 in an hneh. Kolkata club hian Vishnu Puthiya hmangin second 33-na lekah goal hmahruai an khung a, tun season ISL-a goal lut rang ber a ni.

Mahse, Diego Mauricio leh Princeton Rebello hmangin Odisha-in an chhanglet a, 2-1 in an chak. Odisha tan hian Jerry Lalrinzuala, K. Lalṭhathanga (Puitea) leh Isak Vanlalruatfela ten inkhel bul an ṭan a, East Bengal tan Lalchungnunga chuan minute 90 a khel tluan bawk.