Serie A player paliin hri an kai

Italian football inelna sang ber Serie A khel player pali ten Covid-19 an kai tih hmuh chhuah a ni. Hripui kaite hi Cagliari player pathum leh AS Roma player pakhat a nih thu tarlan a ni bawk.

Cagliari chuan an player zingah - Croatia midfielder Filip Bradaric, Italian defender Luca Ceppitelli leh Italian striker Alberto Cerri ten coronavirus an kai thu an sawi a, player dang pahnih chu an khung hrang mek bawk a ni.

AS Roma goalkeeper Antonio Mirante pawhin Covid-19 a kai tih a puang. Tun kar tir lam khan Bulgaria international winger Kiril Despodov chuan hri leng a kai tih tarlan a ni tawh bawk a, hri kaite hi midang thlawh pawh lo turin an dah hrang.

Cagliari chuan thu chhuah siamin, "Player pathum chu enkawl mek an ni. Damdawi lam thiam leh thuneitu kan be pawp a, anni kaihhruaina hnuaiah ruahmanna siam a ni. Hri kaite hian natna an nei hran lo a, hun rei vak lo hnuah an dam leh beisei a ni," an ti.