Celtics an chak nawn

Nimin zing NBA Eastern Conference playoff inkhelah Boston Celtics chuan Philadelphia 76ers chu 128-101 in an hneh a, best of seven series-ah 2-0 in hma an hruai mek - conference semifinal lut turin vawi hnih chak an la ngai.

Celtics tan hian Jayson Tatum-a'n point 33 score-in an thawhhlawk hle, ani bakah hian Kemba Walker (22 points) leh Jaylen Brown (20) te chu hnehna an chan theih nana tha thawh hlawk an ni bawk.

Boston Celtics leh 76ers te hian Inrinni zing dar 4:00-ah game 3 an khel leh dawn, 76ers lam hian semifinal luh an duh a nih chuan chet sual loh a ngai tawh ang, game thum hloh hnua thawh chhuah chu a harsa dawn.

Inkhel dangah Dallas Mavericks chuan Los Angeles Clippers 127-114 in an hneh a, team pahnih hi series-ah 1-1 in an inhnehtawk chiah - Inrinni zingah game 3 an khel zui leh ang. Nimin zing inkhel dangah Toronto Raptors leh Utah Jazz te pawhin hnehna an chang ve bawk.