Quarterfinal-ah Saina leh Sindhu

Indian Shuttler Saina Nehwal leh PV Sindhu te chuan Malaysia Open-ah an chetṭhat an la chhawm nung zel a, Ningani khan quar-terfinal an inhlang kai.

Inkhel hmasa zawk-ah Sindhu hian Asian badminton Cham-pion-ship-a a lo hneh loh tawh seeded pasarihna Sung Ji Hyun chu 22-20, 21-17 in a hneh. Kum 20-a upa Sindhu hian Korean shuttler laka hnehna chang turin minute 47 hun a hmang. Hyderabad nula hian semifinal lut turin Indian Open champion vawi hnih lo ni tawh Ratchanok Intanon a hmachhawn zui leh ang.

World number 5 Saina pawhin Korean shuttler tho Bae Yeon Ju chu dar-kar chanve chhung lek-in 21-10, 21-16 in a hneh. Seeded pa-thumna Saina hian Thailand nula Porntip Bu-ranaprasertsuk a hma-chhawn leh dawn a ni.

Inkhel dangah world number 1 Carolina Marin leh Chinese duo Wang Shixian leh Wang Yihan te pawhin last 16 an paltlang ve bawk.