Higuain leh Dybala an inkawp fuh - Sarri

Paulo Dybala leh Gonzalo Higuain te Juventus tan an vul mek a, mahse Cristiano Ronaldo a awm ve avangin Argentine striker pahnih hi match tam zawkah an khel dun thei lo. Juve manager Maurizio Sarri chuan Dybala leh Higuain te an inkawp fuh thu a sawi.

Coppa Italia lama Udinese an hneh ṭumin Ronaldo a inlan thei lo a, striker Dybala leh Higuain ten goal khungin an team an chakpui. Pathianni zan dar 1:15-a Parma nen Serie A an khelh hun atan pawh Portugal captain dinhmun a la chiang lo - Argentine hmatawng an pawimawh leh ang.

Juventus manager Sarri chuan, "Udinese laka Dybala leh Higuain te goal khung kha a mawi hle, goal khung chu player tam takin an thei a, goal mawi khung tur erawhin a thiam bik nih a ngai. Anni pahnih hi an thiamin an khelh dun hian an in man hle," a ti.

Italian champion Juve hi kuminah an dinhmun a derthawng, an elpui Inter Milan aiin point hnih chauhin an sang rih; match khat chetsual zeuh chuan hmahruaitu nihna hloh theih a ni. Antonio Conte enkawl Inter hian Pathianni tlai dar 5:00-ah Cagliari an mikhual ve thung ang.

Zanin Inkhel Tur

Lazio    7:30 PM    Sampdoria

Sassuolo    10:30 PM    Torino

Napoli    1:15 AM    Fiorentina

Pathianni zan Inkhel Tur

Milan    5:00 PM    Udinese

Brescia    7:30 PM    Cagliari

Bologna    7:30 PM    Hellas Verona

Lecce    7:30 PM    Internazionale

Genoa    10:30 PM    Roma

Juventus    1:15 AM    Parma