CYMA Cricket Tournament 2016 Lalrinmawia hattrick hmangin College Veng chak

Nimin khan Republic Veng khel-mualah 9th Inter Branch YMA Cricket Tournament khelh chhunzawm a ni a, Ramthar-in Zotlang an hneh hnuah College Veng chuan run 100 laiin Laipuitlang an sawp.

Ramthar leh Zotlang inkhelah bat hmasa zawk Ramthar-in over 20 chhunga run 109 siamin mi 10 an hloh a, Zotlang lamin over 17.3-ah run 79 chiah siamin an vaiin an out vek.

Ramthar-in run 30-in hnehna an chang a, hnehna an channa kawngah wicket li latu bowler Laltlanzela Sailo a thawhhlawk hle.

Inkhel hnuhnung zawkah College Vengin run 150 lai vaw chhuaka mi paruk chiah hlohin bul an ṭan. Laipuitlang tan College Veng run siam a tam lutuk hret a, over 12.5-ah run 50 chiah siamin an vaiin an out vek a ni.

College Veng tan run 71 siamtu Hmangaihzuala a khel ṭha takzet a, tun tournament-a match khata run siam hnem ber a ni. Bowling lamah Lalrinmawia a mawi a, College Veng bowler hian wicket nga lain hattrick hial a siam a, innings khata wicket la hnem ber niin hattrick siam hmasa ber a ni bawk.