Vidal kan mamawh - Pep Guardiola

Bayern Munich coach Pep Guar-diola chuan Arturo Vidal chu zanin dar 7:00-a Stuttgart nen Bundesliga match an khelh hunah leh club hmalam hun zel atan an mamawh thu a sawi.

Chile international Vidal hian Thawhlehni zana Bayern-in Cham-pions League quarterfinal first leg-a Benfica an hnehna goal awmchhun a khung. Season ṭan dawna Juventus chhuahsan tu Vidal hian tun season-a Bayern league match 28 khelh tawh aṭangin vawi 26 zet a inlan a ni.

Amaherawhchu, Premier League champion Chelsea-in sea-son leh aṭangin manager thar An-tonio Conte an nei dawn a, Italian manager hian kum 2011 khan Bayer Leverkusen aṭangin Juve-ah Vidal hi a lo la lut tawh a, a player hmanthiamsa hi lakluh leh a duh niin thu a thang mek.

Bayern coach Guardiola chuan, "Arturo hian tharum a ngah a, tawn-hriat a neih tam tawh bakah a rilru puthmang a dik bawk avang-in player dangte tan a ni hi a pawimawh a, he club hian a mamawh bawk," tiin a sawi.

Tunhnaia Bayern-in league match vawi thum chhung hnehna an chan zawn theih nan Vidal hian a thawhhlawk hle a, midfield laiah khelin team inghahna a ni.

Kum 28-a upa Vidal chuan a position-ah a lungawi thu sawiin, "Goal nawr a ngaihin ka tlan chhuak thei a, venhim a ngaihin ka tawlh hnung thei bawk. Tuna ka khelhna hi ka thiamna leh ṭhatna niin nuam pawh ka ti hle. He hmunah hian ṭha takin ka khelh chhunzawm theih zel ka beisei," tiin a sawi.

Bayern hian Arjen Robben bakah defensive trio Jerome Boa-teng, Holger Badstuber leh Medhi Benatia te chu hliam vangin an la chhawr thei dawn rih lo.